​15/06/1990 இல் வலி.வடக்கில் இருந்து இடம்பெயர வைக்கப்பட்ட மக்கள் இன்றுவரை முழுமையாக மீள் குடியமர அனுமதிக்கப் படவில்லை. அனுமதிக்கப்படாத மக்கள் எதிர்வரும் 15/06/2018 அன்று 28 வருடத்தை நிறைவுசெய்து 29ஆவது வருடத்தில் காலடி எடுத்து வைக்கின்றார்கள்.

கௌரவ வடமாகாண முதலமைச்சர் திரு.சி.விக்னேஸ்வரன் அவர்கள் வலி வடக்கில் அண்மையில் மீளக்குடியமர அனுமதிக்கப்பட்ட பிரதேசங்களிற்கு இன்று விஜயம் மேற்கொண்டார். மதிப்புக்குரிய பிரதேச செயலாளர் திரு.ச.சிவஸ்ரீ கௌரவ பிரதேச சபை தவிசாளர் திரு.சோ. சுகிர்தன் அவர்கள் இப் பிரதேசங்களின் மீள்குடியேற்றம் குறித்து தெளிவாக எடுத்துக் கூறினார்கள்.

உரு மாறிய ஊர் |தற்போதைய மயிலிட்டி ஒரு பார்வை. வீடியோ (ஊறுகாய்: முகநூல்)

வலிகாமம் வடக்கு உயர்பாதுகாப்பு வலயத்திலிருந்து 28 ஆண்டுகளுக்கு பின்னர் கடந்த வாரம் விடுவிக்கப்பட்ட 683 ஏக்கர் நிலப்பரப்பில் 1,200 குடும்பங்கள் மீள்குடியமர்த்தப்படுவர் என அதிகாரிகள் தெரிவித்துள்ளனர்.

மயிலிட்டி-கட்டுவன் வீதிக்கு மேற்குப் புறமாகவுள்ள ஜே-240, ஜே-246 மற்றும் ஜே-247 ஆகிய கிராம சேவைகர் பிரிவுகளுக்குட்பட்ட தென்மயிலை, மயிலிட்டி வடக்கு மற்றும் தையிட்டி கிழக்கு ஆகிய பகுதிகள் முழுமையாக விடுவிக்கப்பட்டுள்ளன.

வலிகாமம் வடக்கில் இருந்து விடுவிக்கப்பட்ட காணிகளில் மயிலிட்டி வடக்கில் அமைக்கப்பட்டிருந்த இராணுவ ஆயுத கிடங்கு மற்றும் அதனுடன் இணைந்த கட்டடங்கள் இராணுவத்தினரால் இடித்து அழிக்கப்படுவதுடன், அங்குபொருத்தப்பட்ட கூரையின் இரும்புக் கேடர்களை இராணுவத்தினர் வாகனங்களில் எடுத்துச்செல்கின்றனர். அத்துடன் ஆயுதக் கிடங்கினை சுற்றிவர உயரமாக அமைக்கப்பட்டிருந்த மண் அணைகளும் அகற்றப்படுகின்றது.