"பனங்கள்ளு"

நிம்மதி

பனை மரமேறும் மைந்தனே ஒரு கணம்.....
நீ எடுத்துவரும் போதையினை ருசிக்க

உன் வீட்டுத் திண்ணையில்ஊர்வம்பு பேசிக் காத்திருக்கும் பெரியவர்களும்,

உன்னை இடைமறித்து பனங்கள்ளுக் குடிக்கும் முறுக்கேறிய வாலிபக் கூட்டங்களும்,

நீ கட்டிய முட்டிதனை கல்லால் உடைக்கும் விளையாட்டுப் பிள்ளைகளும் குதூகலிக்க.....

உன் வீட்டினுள் உனக்காக உன் மனைவி மட்டும் ஏங்கியிருப்பாள்....

கள்ளு முட்டியுடன் வரும் உன் துவிச்சக்கர ஓசையே அவளுக்கு நிம்மதி!

ச. சாந்தன்

You've just received a new submission to your "பனங்கள்ளு".

Submitted Information:பெயர்:
சுந்தரலிங்கம் வி

மின்னஞ்சல்:
@

கருத்துக்கள்:
குணபாலசிங்கணரின் புகைப்படமும் உங்கள் கவிதை வரிகளும் மிகவும் அருமை.கள்ளின் ருசியை ருசிப்பவர்கள் மட்டுமல்ல எல்லோரும் இதை ரசிப்பார்கள்.

பதிவு: 29/11/2012

பனங்கள்ளு.... குமரேசன் தமிழன்

நன்றி புகைப்படம்: திரு. குணபாலசிங்கம்

சாலை எல்லாம் பனை மரங்கள்
வானுயர்ந்து எழுந்து நிற்கும்
எழுச்சிமிக்க கிராமத்திலே
துணிச்சலுடன் மரமேறி
குளிர்ச்சிமிக்க கள் இறக்கி
மகிழ்ச்சி கொண்ட காலம் அது..

ஆதவன் சங்கமிக்கும் பொழுதுகளில்
ஆடிப்பாடி கொண்டாட காத்திருக்கும்
மனசுகளின் ஊக்க மருந்து தேவைக்காய்
பல அடி உயரம் பக்குவமாய் ஏறி
சொட்டிச் சொட்டி நிறைந்திருக்கும்
பானைகளை இறக்கி தந்தாய்...

கட்டு மரமேறி கடல் அலைமீது
போட்டியிட்டு துடுப்பினை அசைத்து
கரை சேரும் நெஞ்சங்களும்
காடு வெட்டி களனி செய்து
உச்சி வெய்யிலில் வற்றிப்போன
உதடெல்லாம் தாகம் தீர்க்கும் உன்னைத்தேடி ..

வற்றிப்போகாத காலநீரோடையில்
சிக்கிய மரங்கள் மட்டும் சீரழிந்து நிற்கிறது
வெடி விழுந்து எரிந்த பனை
தலையிழந்து நிற்கிறதே அழியாத
பல வடுக்களின் விம்பமாய்
உன் தலை எழுத்தை என்ன சொல்ல?

....குமரேசன் தமிழன்

You've just received a new submission to your "பனங்கள்ளு".

Submitted Information:பெயர்:
Justin Thevathasan

மின்னஞ்சல்:
@

கருத்துக்கள்:
Wow superrrrrr.............