அம்மா - அல்விற்.வி

அம்மா!

எத்தனை கனவுகள் வளர்த்தாய் 

எனை உன்னுள் வளர்க்க 

உள்ளே துடித்ததும் செல்லமாய்

வெளியே தட்டிக் கொடுத்தாய் 

வெளியே வந்ததும்

மழையாய் பொழிந்தாய் 

---

சேர்த்து வைத்த முத்தங்களை 

பெருமிதத்தில் மிதந்தாய் 

பேரமுதம் பெற்றுப் 

பிறவிப் பயன் கிட்டியதாய் 

கண்ணயர நான் 

காவியங்கள் சொன்னாய் 

எனைக் காணாத போதில் 

கதிகலங்கிக் கிடந்தாய் 

கால் கடுக்க நடந்தாய் 

காலம் எனை ஏற்றி வைக்கும்

நாளை எண்ணி 

கண்ணுக்குள் வைத்தென்னை 

இமைகளால் மூடிக் கொண்டாய்  

காலமெல்லாம் நான் 

கலங்காமல் வாழவென்று 

என்னதவம் செய்தேனம்மா 

உன்னை அன்னையாய்ப் பெறுவதற்கு 

எப்பிறப்பும் வேண்டுகின்றேன் 

மீண்டுமுன்னை அன்னையாய் 

கொண்டுன் அன்பை பெறுதற்கே!

அத்தனையும் போதாதுன் 

கடன் தீர்த்து மீள்வதற்கு

வி.அல்விற்
பதிவு: 11/05/2013