***பத்தாம் ஆண்டு நினைவலைகள்***

***பத்தாம் ஆண்டு நினைவலைகள்***
********* ********* ********* *********
அமரர் .மயிலிட்டியூர் சின்னத்துரை நவரத்தினம் அவர்கள் .

செந்தணலில் வெந்ததுவோ செங்கரங்கள் 
-------------------------------------------------------------
விஸ்வகுலம் தந்த கலை விருட்சமின்று 
வேரிழந்து வீழ்ந்ததுவே மாநகரிலே 
சங்கவத்தை ஐங்கரனை அமைத்து நின்ற 
சங்கிலியாம் தவண்டையவர் மரபினிலே 
வந்துதித்து வள்ளலெனும் பெயரெடுத்து 
சிற்பவாரிதியாய் ஆகி நின்றாய் நின் திறத்தினால் 
(விஸ்வகுலம் )

---

சிற்பமொடு ஆகமங்கள் ஜோதிடங்களும் 
சேர்த்து மிக கற்றுப் பெரும் ஸ்தபதியாகினாய்
மாணவர்கள் பலருக்குந்தன் மாண்பினை தந்தாய் 
இந்த மாநிலமே உள்ள வரை வாழ்ந்திருப்பாய் 
(விஸ்வகுலம் )
நாட்டு நிலை மாறுமென்று காத்திருந்தோம் 
நாங்கள் நம் மயிலை நகர் சென்று நற்பணி செய்ய 
அந்த நிலை மாறி நீயும் அங்குதவு முன் 
அந்த விண்ணவர்கள் வேண்டி நின்னை விரைந்தழைத்தர்
(விஸ்வகுலம் )
கோப்பாய் இருபாலை தனில் கூடி நின்று 
எங்கள் கோமகனை அஞ்சலித்துப் பூதவுடலை 
உப்பு வெளிக்கரையினிலே உயர்ந்தெரிந்த
தீயினுக்கே கையளித்து தேம்பி அழுதோம் 
(விஸ்வகுலம் )
செந்தணலில் வெந்ததுவோ செங்கரங்கள் 
பார் வேந்தர்களும் போற்றி நின்ற பொற்கரங்கள்
சிற்பமதற்குயிர் தந்த திருக்கரங்கள் 
தீயில் நீறாகி நீரிலிட்டோம் கீரிமலையிலே 
(விஸ்வகுலம் )
எங்களுயர் ரத்தினமே நவமணியே 
நீயும் மீண்டொருக்கால் மயிலையிலே பிறப்பெடுத்து 
எம்மவர்க்கு ஆசானாய் என்றுமிருக்க 
எங்கள் ஐங்கரனே நின் அருளை எமக்கருள்வாய் 
(விஸ்வகுலம் )


மயிலைக் கவிஞன்  திரு .சண்முகநாதன் அவர்கள்