இனம் மொழி மதம் நாடு "மயிலை துரை"

ஓவ்வொரு மனிதருக்கும் ஒரு நாடுண்டு------அந்த 
மனிதரை நெறிப்படுத்த ஒரு மதமுண்டு 
ஓவ்வொரு இனத்திற்கும் ஒரு மொழியுண்டு----அதில் 
அவர்கள் பேச முழு உரிமையுண்டு

---

ஒவ்வொரு மதத்தின் கொள்கைகளை 
விளக்கி போதிக்க துறவிகளுண்டு-------அந்த 
புனித மானதொரு பதவிகளை 
துறவிகள் களங்க படுத்துகின்றார்

அரச பதவி வேண்டாமென்று 
ஆன்மீகத்தை புத்தர் தேர்ந்தெடுத்தார்-------அதை 
போதிக்க வந்த பிக்குகளோ 
அரசியலில் நுழைய துடிக்கின்றார்

அடடா! கொடுமை இதுவல்லவோ! 
ஆன்மீகத்திற்கு இது இழுக்கல்லவோ!-------இதை 
பிக்குகள் மட்டும் செய்யவில்லை-----பல 
மதத்தின் துறவிகளும் செய்கின்றார்

பிற உயிர்களை நேசியென்றும் 
அறம் செய்வது சிறந்ததென்றும் 
மனித நேயம்பற்றி விரிவாக 
எடுத்து சொல்கின்றன மதநூல்கள்----இன்று

மதத்தையும் மொழியையும் திணிக்கின்றார்------நல்ல 
மனிதரை மிருகமாய் ஆக்குகின்றார் 
கூட்டை அவர்கள் கலைக்கின்றார்-----பின் 
நாட்டை விட்டும் விரட்டுகின்றார்

உரிமையை இழந்த மனிதராலும் 
உரிமையை மறுக்கும் மனிதராலும் 
உண்டாகும் பகையே யுத்தமாகும்------இதை 
உணராமல் போனால் அழிவேயாகும் 

மயிலை துரை

இந்தப் பக்கம் தடவை பார்வையிடப்பட்டுள்ளது.