அம்பாளின் அருளால் நீங்களும் உங்கள் குடும்பத்தினர் அனைவரும் நலமுடன் இருக்க அம்பாள் அருள் புரிவாராக.

மேலும், எமது மயிலிட்டி வீரமாணிக்கதேவன்துறை ஸ்ரீ கண்ணகாதேவி ஆலயம் 27 ஆண்டுகளுக்குப்பின் இராணுவத்தால் விடுவிக்கப்பட்டது நீங்கள் அறிந்ததே.  இவ்வாலய கட்டடம், மற்றும் தளபாடங்கள் பொதுமக்கள் வழிபாட்டிற்கு உகந்த நிலையில் இல்லை. எனவே பொதுமக்கள் வழிபாட்டிற்கு இவ்வாலயத்தை புதுப்பிக்கவேண்டியுள்ளது.  ஆலயத்தைப் புனரமைப்பது என 02-08-2017  இல் நடந்த ஆலய ஸ்ரீ கண்ணகாதேவி தேவஸ்தான சபையின் பொதுக் கூட்டத்தில் தீர்மானிக்கப்பட்டது.

மயிலிட்டி கண்ணகி விளையாட்டுக் கழகம் 
விளையாட்டுத்துறையில் சாதித்த மயிலிட்டி மைந்தர்களுக்கான கௌரவிப்பு விழா - 2017 
வரவு செலவு அறிக்கை 

மயிலிட்டி வீரமாணிக்க தேவன்துறை ஸ்ரீ கண்ணகாதேவி தேவஸ்தான இந்துமகளிர் மன்றம் 2வது ஆண்டு நிறைவு விழா - 2016. வருகின்ற 22/10/2016 சனிக்கிழமை அன்று முற்பகல் 10 மணிக்கு, முருகன்கோவிலடி, தம்பசிட்டி, பருத்தித்துறை எனும் முகவரியில் நடைபெறவுள்ளது.

மயிலிட்டி வீரமாணிக்கதேவன்துறை ஸ்ரீ கண்ணகாதேவி தேவஸ்தான வரவு செலவு கணக்கு.

மயிலிட்டி வீரமாணிக்க தேவன்துறை கண்ணகி அம்பாள் ஆலயத்தின் தொன்மையும் தோற்றமும்

இந்து சமுத்திரத்தின் எழில் முத்தென விளங்கும் ஈழமணித்திருநாடு இயற்கை அன்னையின் இனிய கொடையாக வளம் பல கொழித்துச் சிறப்புற்று விளங்குகின்றது. ஆர்த்தெழும் அலைகடல் சூழ்ந்து தரும் கடல் வளமும் விண்ணளாவி நிமிர்ந்து நிற்கும் மலைவளமும் பூமித்தாய் மனம் களித்துதவும் நிலவளமும் கொழித்து விளங்கி சிறப்பு பெற்று விளங்குகின்றது. இராவணணேஸ்வரனின் நவகோடி சிவலிங்கப்பிரதிஷ்டையால் சிவபூமியென சிறப்புப்பெற்று விளங்கும் ஈழமணித்திருநாட்டின் வடபால் சைவமும் தமிழும் செழித்து செந்தமிழின் நாடாகவும் சைவத்தின் இருப்பிடமாகவும் விளங்குவது யாழ்ப்பாணம்.