நட்டஈடு தருவதான படிவங்களில் எவரும் கையயாப்பமிடவேண்டாம் (பிரதமரிடம் இன்று பேசவுள்ளேன் -மாவை)

வலி வடக்குப் பகுதி மக்களிடம் சொந்த காணிக்கு பதிலாக நட்டஈடு தருவதாக கூறி வழங்கப்படும் படி வங்களுக்கு மக்கள் எவரும் கையொப்பமிட வேண்டாம் என தமிழ ரசுக்கட்சியின் தலைவரும் பாராளு மன்ற உறுப்பினருமாகிய மாவை சேனாதிராஜா தெரிவித்துள்ளார்.

---

வலி வடக்கில் இருந்து இடம் பெயர்ந்து வாழும் மக்களிடம்   அவர்களுடைய காணிகள் தேசிய பாதுகாப்பு கருதி  பாதுகாப்பு படையின் தேவைக்காக சுவீகரிக்கப்படவுள்ளதாகவும்  அதற்குரிய நட்டஈடு வழங்கு வதாகவும் யாழ்.மாவட்டச்செயலகத்தின் ஊடாக படிவங்கள் நேற்று விநியோகிக்கப்பட்டிருந்தன. 
குறித்த விடயம் தொடர்பில் ஊடகங்களுக்கு கருத்து தெரிவிக்கும் போதே அவர் மேற்கண்டவாறு தெரிவித்தார். 
இது தொடர்பாக அவர் மேலும்  தெரிவிக்கையில், 

எந்தவொரு குடிமகனும் தனது சொந்த நிலத்தை யாரும் சுவீகரிப்பதற்கு அனுமதிக்க மாட்டார்கள். அந்த வகையில் வலி வடக்கில் இராணுவம் கையகப்படுத்தி வைத்துள்ள எமது மக்களின் காணிகளை எவரும் சுவீகரிக்க முடியாது. 

பொதுமக்கள் தொடர்புடைய விடயங்களில் அரசோ அதிகாரிகளோ தன்னிச்சையாக முடிவை எடுக்க முடியாது. இது ஒரு பாரதூரமான விடயம் ஆகும். 
வலி வடக்கு காணி தொடர்பில் பொதுமக்களால் உச்ச நீதிமன்றத்தில் 2 ஆயிரத்துக்கு மேற்பட்ட வழக்குகள் பதிவு செய்யப்பட்டுள்ளன. 

அந்த நிலையில் காணிகளை சுவீகரிப்பதாக அரசு அறிவித்துள்ள விடயத்தை நாம் கடுமையாக கண்டிக்கிறோம். இந்த நடவடிக்கையினை உடனடியாக நிறுத்த வேண்டும் இது தொடருமானால் உச்ச நீதிமன்றில் அறி விக்கவுள்ளோம். அத்துடன் குறித்த விடயம் தொடர்பாக பிரதமருடனும் மீள் குடியேற்ற அமைச்சருடனும் இன்று பேசவுள்ளேன் என அவர் மேலும் தெரிவித்தார்.

நன்றி: வலம்புரி

இந்தப் பக்கம் தடவை பார்வையிடப்பட்டுள்ளது.