வலி.வடக்கு மயிலிட்டி நிலைமகளை நேரில் ஆராய்ந்தார் ஆளுநர் !!

யாழ்ப்பாணம் வலிகாமம் வடக்கு பிரதேசத்துக்கு வடக்கு மாகாண ஆளுநர் கலாநிதி சுரேன் ராகவன் அவர்கள் இன்று நேரில் சென்றார்.

---

வலி வடக்கின் உயர் பாதுகாப்பு வலயத்திலுள்ள மயிலிட்டி காணிக்கை மாதா ஆலயம் மற்றும் அதனுடன் இணைந்ததாகக் காணப்படும் மயிலிட்டி றோமன் கத்தோலிக்க பாடசாலை ஆகியவற்றின் தற்போதைய நிலைமைகள் தொடர்பிலும் நேரில் ஆராய்ந்த ஆளுநர்,

அவற்றின் விடுவிப்பு தொடர்பிலும், உயர் பாதுகாப்பு வலயத்தில் இன்னும் பாதுகாப்புப் படையினர் வசமுள்ள பொது மக்களின் தனியார் காணிகளின் விடுவிப்பு தொடர்பிலும் பாதுகாப்புத் தரப்பினரிடம் கேட்டறிந்தார்.

மயிலிட்டிக்கரை வடக்கு பிரதேசத்தையும், துறைமுகத்தின் அபிவிருத்திப் பணிகளையும் பார்வையிட்டார்.

இதன்போது மயிலிட்டி மீள்குடியேற்றச் சங்கத் தலைவர் அ.குணபாலசிங்கம், மயிலிட்டி திருப்பூர் இளைஞர்  ஒன்றியத் தலைவர் ஐ.உருத்திரமூர்த்தி மற்றும் பொதுமக்களுடனும் ஆளுநர் கலந்துரையாடினார்.

செய்தி: jvp news

இந்தப் பக்கம் தடவை பார்வையிடப்பட்டுள்ளது.