மயிலிட்டி கிராம மாதர் சங்க உறுப்பினர்களுக்கு சுய தொழில் வேலைவாய்ப்பு ஊக்குவிப்பு.

யாழ் மயிலிட்டிதுறை வடக்கு மாதர் கிராம அபிவிருத்தி சங்க உறுப்பினர்களுடனான கலந்துரையாடல் 04.03.2019 மக்கள் முன்னேற்றக் கூட்டணியின் செயலாளர் நாயகம் திரு.கணேஸ்வரன் வேலாயுதம் அவர்களால் மயிலிட்டிதுறை பொதுநோக்கு மண்டபத்தில் நடைபெற்றிருந்தது. ​அதன்போது மக்களின் பொருளாதாரத்தினை மேம்படுத்தி கொள்ளும் வண்ணம் பல்வேறு சுயதொழில் முயற்சிகளையும் ஊக்குவிக்க உள்ளதாக குறிப்பிட்டிருந்தார்.

---

அந்தவகையில் முதற்கட்ட முயற்சியாக பலாக்காய் பொரியல் செய்து பொதியிடும் வேலைத்திட்டம் நேற்றையதினம் ஆரம்பித்து வைக்கப்பட்டது. கிராமிய ரீதியாக மக்களின் பொருளாதாரத்தினை முன்னேற்றும் வகையிலாக மாதர்சங்கத்தினை சேர்ந்த ஒருதொகுதி உறுப்பினர்கள் இம்முயற்சியினை மேற்கொண்டுள்ளனர். பலாக்காய் பொரியலில் அடங்கியுள்ள ஊட்டச்சத்துக்களின் அளவு வீதமும் இதில் குறிப்பிடப்பட்டுள்ளது. இதனால் அனைவரும் பயன்படுத்த கூடியதாக காணப்படுகிறது.
பலாக்காய் பொரியல் செய்து பொதிசெய்வதற்கான மூலப்பொருட்களையும் அவர்களுக்கான வேதனத்தினையும் திரு.கணேஸ்வரன் வேலாயுதம் அவர்கள் வழங்கி வைத்துள்ளார். இதிலிருந்து கிடைக்கும் இலாபத்தில் ஒருபகுதி அவர்களின் வாழ்வாதாரத்திற்கும் மிகுதி இலாபதொகை தொடர்ச்சியான உற்பத்தி நடவடிக்கைகளுக்கு பயன்படுத்தவும் திட்டமிடப்பட்டுள்ளது. இவ்வாறாக பெறப்படும் இலாப தொகை மீள்சுழற்சி முறையில் அவர்களின் உற்பத்தி முயற்சிக்கு பயன்படுத்தப்படும். தொடர்ச்சியான உற்பத்திகள் மூலம் அவர்கள் பொருளாதாரத்தினை உயர்த்தி கொள்ள முடியும். கிராமமட்ட பொருளாதார அபிவிருத்திக்கான தொழில் முயற்சிகளை தொடர்ந்தும் மக்கள் முன்னேற்றக் கூட்டணி செயற்படுத்தவுள்ளது.

நன்றி:
நமது செய்தியாளர்
​க.வீரசிவகரன்

இந்தப் பக்கம் தடவை பார்வையிடப்பட்டுள்ளது.